«Думан» ойын-сауық орталығы ТМД елдеріндегі бірінші әрі бірегейі болып саналады. Бұл – мұхиттан 3000 км. қашықтықта орналасқан әлемдегі жалғыз мұхит аралы. Қазақтың Мұхит аралындағы су көлемі – 3 миллион литр. Оны жасауда 120 тонна теңіз тұзын арнайы әкелді. Мұхит аралында жүзден аса теңіз жануарларын кездестіре аласыз, барлығы 2 мыңға жуық ағза мекендейді. Келушілерге арналған Мұхит аралы үлкен негізгі су қойма және екі көрме бөлігін ұсынады. Басты су қойма түбінің ұзындығы 70 метрді құрайтын туннель. Туннель арқылы өткенде, келушілер теңіз түбімен жүріп бара жатқан сияқты сезім тудырады, өйткені бірнеше сантиметрде қауіпті акулалар жүзіп жүреді.
